Við sinnum stóreldhúsum undir merkjum Sælkeradreifingar. Við bjóðum upp á gæðahráefni og vörur fyrir veitingahús, mötuneyti, bakarí, hótel og aðra stórnotendur; í raun allt sem þarf í eðalmáltíð, hvort sem um er að ræða margverðlaunað nautakjöt eða vegan-rétti, sushi-hráefni eða nýja, bleika Ruby súkkulaðið. Sölumenn okkar eru menntaðir fagmenn, bæði matreiðslumenn og bakarar.
Stundum er talað um Catering eða HoReCa (skammstöfun fyrir hotel/restaurant/café) en við köllum þessa deild bara stóreldhús. Helstu viðskiptavinir Sælkeradreifingar eru veitingahús, mötuneyti, hótel, bakarí og aðrir stórnotendur. Sölumenn okkar hafa á takteinum upplýsingar um besta hráefnið, skemmtilegustu nýjungarnar, vinsælustu uppskriftirnar og allt sem fagfólk í stóreldhúsum landsins þarf að vita.
Sashi-steikur frá JN Meat International í Danmörku eru nýjung hjá Sælkeradreifingu. Steikurnar eru sérvaldar og þeim skipt í 12 flokka eftir fitumagni: því meiri fitusprenging, þeim mun hærra númer. Þá var Freygaard nautahryggvöðvi frá JN Meat valinn sá besti á World Steak Challenge 2018 þar sem 200 framleiðendur börðust um titilinn. Auk þess fékk danska fyrirtækið verðlaun í öðrum flokkum líka.